防水 打針

屋企滲水漏水點算好?「打針」一次搞掂晒?

分享到:
Share on facebook
Share on telegram
Share on whatsapp

一講防漏,相信大家聽得最多一定係「打針」。「打針」是指「灌注止漏」又叫做「高壓灌注」的止漏工程,原理係用灌漿機以高壓方式將聚胺酯(Polyurethane)、環氧樹脂(Epoxy) 等化學物料注入混凝土中,利用壓力將止漏的材料灌入裂縫中,令裂縫封閉從而達到止漏的效果。因為施工簡單又快速,係香港目前普遍採用最經濟既防漏方法。得意既係其實好多人都知道打針係治標唔治本,今日同大家分析下「打針」 點解唔治本?

睇落簡單的一個止漏工程,其實亦暗藏著一定嘅風險:

  • 「打針」時會將裂縫填滿,但滲漏的源頭其實未被切斷,因此可能會再轉移到其它區域造成滲漏。
  • 當裂縫仍然有水滲出既情況下,水壓會同用高壓注入既化學物質抗衡,反而令壓力有機會破壞混凝土,令其內部出現更多微小裂縫。
  • 「打針」工程使用膨脹劑作為止漏材料,用在舊建築上可能會使結構鬆散,當膨脹劑全乾後又會產生收縮現象,並產生更大的裂縫。
  • 如果因為水管漏水而打針,會使水管阻塞,因此需在施工前需好好評估漏水源頭。

「打針」止漏工程只適用於 :

  1. 窗框漏水
  2. 牆壁裂縫
  3. 局部漏水

大面積滲漏或其他區域漏水,可能就涉及需重做防水層或水管問題,「打針」就不適用。

「打針」雖然係簡便的止漏工程,但並不能完全解決所有的滲漏問題,如果係嚴重結構的而造成漏水,再於上「打針」反而會造成嚴重的後果。因此,當防水師傅提及「打針」時,可能需要仔細問清楚。

重要事情重覆三次︰

打針只係阻水並非防水。 打針只係阻水並非防水。 打針只係阻水並非防水。

需要搵師父度尺報價重建天台防水嗎?